Esan bezala, Feseko Brahim gaztea eta ni primeran konpondu gara, bera autostopez eta ni bizikletaz, toki ezezagunetara parean iristeko. Oso eskertuta nauka, berarekin mugitzea askoz errazagoa izan baitzait bost egunez.
Gainera, berak ikusi nahi zituen toki batzuk ezagutu ahal izan ditut.
Marokoarren abegikortasuna ezagutzen duzula uste duzunean ere, harritu egiten zaituzte. Ibilalditxo batetik oinez itzultzen ari ginela, autostop egin eta aita-semeak bide-bazterrean geratu. Kanpinera bueltan eraman aurretik, beste bi tokitan bisita turistikoa eskaini eta bazkaltzera gonbidatu gintuzten.
Lotarako ere oso ondo etorri zitzaidan Brahimen laguntza.
Esperientzia bikaina, beraz, zurekin bizitakoa, Brahim. Zorte on ikasketekin eta kontaktuan jarraituko dugu, noski 😉