Errepidean ziklobidaiari gutxi aurkitu ditut hilabete ta pikuan. Orain espezie maitagarri honen beste ikuspegi bat ezagutu dut. Bi bikotek haien etxeak ireki dizkidate, atseden hartu, bapo jan eta esperientziak elkartrukatzeko. Bizikletaz bidaiatu ez duenari kosta egiten zaio sinestea, baina hala da.
Gehiagok horrela jokatuko bagenu ederki hobetuko litzateke mundua. Nik neuk argi daukat hurrengo bizileku finkoa ziklobidaiarientzat irekita egongo dela.
Gainerakoan, hanketan jadanik inolako arazorik gabe. Portugalen behera lursail guztiak itxita zeudela ikusita, ibilbidea laburtu eta Badajozetik Algeciraserantza jotzea erabaki nuen.
Huelva eta Cadiz utziko ditut ikusi gabe ta Badajozen behera hasi naiz Saharako beroetarako entrenatzen. Agian ez da erabakirik onena baina baten bat hartu behar.
